جنگ
(جنگ (پنجابی کلام اسیں اپنے کَن مروڑ کے تے اپنے ای ماری چَنڈ اسیں اپنے آپ نوں ٹھار کے پائی اپنے سینے ٹھنڈ اسیں یوسف ورگے شربتی ساڈی نَنگیاں ورگی کَنڈ سانوں چڑھدی رُتے ماریا ساڈی بھائیاں کر کے وَنڈ اسیں اپنے آپ نوں بَنھ کے چک لئی وجود سی پَنڈ ،،،،،،،،،،،،،،،،،،،،،،،،،،،،،،، ساڈی شہراں ورگی چال سی ساڈے پِنڈاں ورگے اَنگ اسیں بَھولے بھالے بادشاہ ساڈے نیلے پیلے رَنگ اسیں آپئی اپنے وَیر سی اسیں آپئی اپنے سَنگ اسیں سَپاں دے سِر مِجھ لئے سانوں ڈڈُوواں مارے ڈنگ اسیں ہتھکڑیاں نوں توڑ کے ہتھ پھڑ لئی کچ دی وَنگ اسیں بِین وجائے سُورمے ساڈے لشکر ورگے ڈھنگ اسیں اپنی جنگ نوں ہار کے تے جِت لئی کسے دی جنگ شاعر شوکت علی