توسیع زراعت اور حالیہ بجٹ 2015

By -
سال 2015 کے بجٹ میں حکومتِ پنجاب نے محکمہ توسیعِ زراعت پنجاب کے لئے قدرے فراخ دلی سے فنڈز مختص کئے ہیں۔
نئی سکیم کے تحت 4 ارب 40 کروڑ کا ایک منصوبہ منظور کیا گیا ہے جس میں جدید توسیعی طریقہ کار کے ذریعے کسانوں کی معاونت کی جائے گی ۔ یقینا یہ ایک قابلِ قدر رقم ہے۔ اس منصوبے میں سال 2015 کے لئے تقریبا 2 ارب روپے جاری کر دئیے گئے ہیں۔ بجٹ میں اس منصوبے کی زیادہ تفصیلات فراہم نہیں کی گئیں لیکن میرا اندازہ ہے کہ یہ منصوبہ پانچ سال سے  زیادہ عرصہ تک چلے گا۔  شنید ہے کہ اس میں زراعت افسروں کو لیپ ٹاپ وغیرہ دئیے جائیں گے، انہیں بہتر سفری سہولیات مہیا کی جائیں گی اور توسیع زراعت میں انفارمیشن ٹیکنالوجی کا زیادہ اور موثر استعمال کیا جائے گا۔ امید ہے کہ زراعت افسروں کو سہولیات دینے کے بعد انہیں ضلعی انتظامیہ کی دست برد سے محفوظ رکھنے کے بارے میں بھی سوچا گیا ہو گا تاکہ یہ نمائندے کسان کی دہلیز تک پہنچنے میں بھی کامیاب ہو سکیں۔
اس نئی سکیم کے علاوہ، توسیع زراعت کے جاری (پرانے) منصوبوں میں بھی تین سکیمیں شامل ہیں جن میں  سے دو سکیمیں 2016 میں اور ایک 2017 میں مکمل ہو گی۔ ان تینوں سکیموں کے لئے حالیہ بجٹ میں تقریبا 29 کروڑ روپے جاری کر دئیے گئے ہیں۔ ان سکیموں کا مقصد پنجاب میں سبزیوں اور دالوں کی کاشت کے فروغ کے علاوہ پھل کی مکھی کے حملوں کی روک تھام وغیرہ شامل ہے۔
اس طرح سے حکومت نے محکمہ زراعت کے لئے مجموئی طور پر سال رواں سال کے لئےمختص تقریبا 10.6 ارب میں سے تقریبا 2 ارب 22 کروڑ روپے توسیع زراعت کے لئے مختص کر دئیے ہیں جو کہ زرعی بجٹ کا تقریبا 21 فی صد بنتا ہے۔
میں سمجھتا ہوں کہ حکومت کا توسیع زراعت کے منصوبوں کو اہمیت دینا ایک درست قدم ہے۔ اب یہ محکمہ اور اس کے کارکنان کی ذمہ داری ہے کہ وہ اس رقم کا منصفانہ استعمال کرتے ہوئے کسانوں کی ہر ممکن رہنمائی کریں اور زرعی پیداوار کو بڑھانے جیسے مقاصد کا حصول ممکن بنائیں۔

Comments

  1. Unknown5 July 2015 at 00:58

    This comment has been removed by the author.

    ReplyDelete
  2. Unknown5 July 2015 at 01:04

    Motivation to perform a task lays its foundation in having respect and appreciation while doing that task.Unfortunately, Extension workers are highly demotivated for having no respect and recognition.No measure will be successful to uplift agri.extension unless extensionists are bestowed with honour and appreciation from bureaucracy and rural community.Govt. must address this issue to retrieve the confidence and motivation of extension workers.

    This is a major challenge which i have observed during my internship.
    8th sem,Agri .Extension

    ReplyDelete

Post a Comment

Popular posts from this blog

دنیا میں آلوؤں کی 5000 اقسام پائی جاتی ہیں

By -
دنیا میں آلوؤں کی 5000 اقسام پائی جاتی ہیں جن میں سے 19 اقسام    پاکستان میں  بھی پائی جاتی ہیں۔  پاکستان میں سرخ اور سفید دونوں طرح کی اقسام دستیاب ہیں۔ سرخ اقسام  درج  ذیل ہیں: 1۔ کروڈا                                            2۔ ڈیزائری 3-آسٹریکس                                        4۔روڈیو 5۔ لال موتی                                        6۔راجہ 7۔بارٹینا                                               8۔ موراتاؤ 9۔برنا                                                  10۔سارپومیرا 11۔ کارڈینل                                        12۔لیڈی روزیٹا 13۔ کَرَج آلو کی سفید اقسام درج ذیل ہیں: 1۔وی وی                                        2۔ سانتے 3۔ ڈائمنٹ                                      4۔ سانتانا 5۔ سگیتا                                          حرمَس کیا آپ نے ان میں سے کوئی ورائٹی کاشت کی ہے؟  آپ کے خیال میں کونسی ورائٹی بہتر ہے؟ کمنٹس میں اپنی رائے کا اظہار کریں!!!
Read more

دھان کی پیداوار 150 من فی ایکڑ مگر کیسے؟

By -
چائنہ کے ماہرِ زراعت نے دھان کی ایک نئی ورائٹی متعارف  کروائی ہے جس کی پیداوار 150 من فی ایکڑ ہے۔ دلچسپ بات یہ ہے کہ یہ ہائبرڈ ورائٹی پاکستان میں کاشت کے لئے لانچ کر دی گئی ہے۔ اس ورائٹی کو چائنہ کے پروفیسر یوان نے 50 سال کی محنتِ شاقہ کے بعد تیار کیا ہے۔ اس ورائٹی سے پاکستانی دھان کی پیداوار میں انقلاب کی امید پیدا ہو گئی ہے۔  لیکن دیکھنا یہ ہے کہ کیا یہ ورائٹی پاکستان کی خوشبودار باسمتی ورائٹیوں کی جگہ لے پائے گی۔ چائنہ سے آنے والی یہ ورائٹی اپنی جگہ، لیکن کیا  پاکستان کے زرعی تحقیقی اداروں سے بھی اسی طرح کی کوئی انقلاب آفریں ورائٹی آنے کی امید ہے؟ 
Read more

جنیاں تن میرے نوں لگیاں ۔ ۔ ۔ ۔ تینوں اک لگے تے توں جانے

By -
حد یہ ہے کہ ہسپتال میں کوئی ڈاکٹرڈیوٹی پر نہیں تھا۔ اور مریضوں کا علاج معالجہ کمپاونڈروں اور نرسوں کے سپرد تھا۔ میں، مریض کے پہنچنے کے کوئی دس منٹ بعد ہسپتال پہنچا تھا۔ ایمر جنسی وارڈ میں داخل ہوا تو دیکھا کہ ایک کمپاونڈر مریض کو گلوکوز کی بوتل لگانے کی کوشش میں ہے۔ ایک نرس بھی ساتھ کھڑی ہے۔ ایمر جنسی بستروں پر دو تین اور مریض لیٹے ہوئے تھے جو ہلکی پھلکی چوٹوں کے باعث ہسپتال آئے تھے۔ آپ جتنی جلدی ہو سکے مریض کووکٹوریہ ہسپتال بہاول پور لے جائیں۔ کمپاونڈر نے بغیر وقت ضائع کئے یہ الفاظ اگل دیے۔ میں نے اور میرے چھوٹے بھائی نے مایوسی کے عالم میں ایک دوسرے کی طرف دیکھا۔ سر میں شدید چوٹ کے باعث مریض زندگی اور موت کی کشمکش میں تھا۔  یہ میرا بڑا بھائی تھا ۔ ۔ ۔ ۔ سگا بھائی ۔ ۔ ۔ ۔  دو گھنٹے کا سفر طے کر کے اسے تحصیل ہیڈ کوارٹر ہسپتال چشتیاں لایا گیا تھا۔ ۔ ۔ ۔  اور اب یہاں سے بہاول پور کا اذنِ سفر تھا۔ 50 کلومیٹر کے بعد مزید 150 کلومیٹر ۔ ۔ ۔ ۔ ۔  یعنی دو گھنٹے کی مسافت کے بعد  مزید تین گھنٹے کی مسافت۔ ۔ ۔ ۔ ۔ سوال یہ ہے کہ تعلیم اور صحت جیسی بنیادی سہولیات ہماری ترجیح
Read more